Псалом благослови душе моя господа

Чин изобразительных

Вне Великой Четыредесятницы, по окончании шестого (или девятого) часа, читаются псалмы:

Благослови, душе моя, Господа, благословен еси Господи.

Псалом 102

Благослови, душе моя, Господа, и вся внутренняя моя имя святое Его. Благослови, душе моя, Господа, и не забывай всех воздаяний Его, очищающаго вся беззакония твоя, исцеляющаго вся недуги твоя, избавляющаго от истления живот твой, венчающаго тя милостию и щедротами, исполняющаго во благих желание твое: обновится яко орля юность твоя. Творяй милостыни Господь, и судьбу всем обидимым. Сказа пути Своя Моисеови, сыновом Израилевым хотения Своя: Щедр и Милостив Господь, Долготерпелив и Многомилостив. Не до конца прогневается, ниже во век враждует, не по беззаконием нашим сотворил есть нам, ниже по грехом нашым воздал есть нам. Яко по высоте небесней от земли, утвердил есть Господь милость Свою на боящихся Его. Елико отстоят востоцы от запад, удалил есть от нас беззакония наша. Якоже щедрит отец сыны, ущедри Господь боящихся Его. Яко Той позна создание наше, помяну, яко персть есмы. Человек, яко трава дние eго, яко цвет сельный, тако оцветет, яко дух пройде в нем, и не будет, и не познает ктому места своего. Милость же Господня от века и до века на боящихся Его, и правда Его на сынех сынов, хранящих завет Его, и помнящих заповеди Его творити я. Господь на Небеси уготова Престол Свой, и Царство Его всеми обладает. Благословите Господа вси Ангели Его, сильнии крепостию, творящии слово Его, услышати глас словес Его. Благословите Господа вся Силы Его, слуги Его, творящии волю Его. Благословите Господа вся дела Его, на всяком месте владычества Его.

Слава, и ныне:

Благослови, душе моя, Господа, и вся внутренняя моя имя святое Его. Благословен еси, Господи.

Слава Отцу, и Сыну, и Святому Духу.

Псалом 145

Хвали, душе моя, Господа. Восхвалю Господа в животе моем, пою Богу моему, дондеже есмь. Не надейтеся на князи, на сыны человеческия, в нихже несть спасения. Изыдет дух eго и возвратится в землю свою. В той день погибнут вся помышления eго. Блажен, eмуже Бог Иаковль Помощник его, упование eго на Господа Бога своего, сотворшаго небо и землю, море и вся, яже в них, хранящаго истину в век, творящаго суд обидимым, дающаго пищу алчущим. Господь решит окованныя. Господь умудряет слепцы. Господь возводит низверженныя. Господь любит праведники. Господь хранит пришельцы, сира и вдову приимет и путь грешных погубит. Воцарится Господь во век, Бог твой, Сионе, в род и род.

И ныне и присно и во веки веков. Аминь.

Единородный Сыне и Слове Божий, Безсмертен Сый и изволивый спасения нашего ради воплотитися от Святыя Богородицы и Приснодевы Марии, непреложно вочеловечивыйся, распныйся же, Христе Боже, смертию смерть поправый, Един Сый Святыя Троицы, спрославляемый Отцу и Святому Духу, спаси нас.

В Великую же Четыредесятницу псалмы не читаются, но по молитве 9 часа хор: Во Царствии Твоем помяни нас, Господи, егда приидеши, во Царствии Твоем. И поются Блаженны на глас 8, с припевом: Помяни нас, Господи, егда приидеши, во Царствии Твоем.

Во Царствии Твоем помяни нас, Господи, егда приидеши, во Царствии Твоем.

Блажени нищии духом, яко тех есть Царство Небесное.

Блажени плачущии, яко тии утешатся.

Блажени кротции, яко тии наследят землю.

Блажени алчущии и жаждущии правды, яко тии насытятся.

Блажени милостивии, яко тии помиловани будут.

Блажени чистии сердцем, яко тии Бога узрят.

Блажени миротворцы, яко тии сынове Божии нарекутся.

Блажени изгнани правды ради, яко тех есть Царство Небесное.

Блажени есте, егда поносят вам, и изженут, и рекут всяк зол глагол на вы, лжуще Мене ради.

Радуйтеся и веселитеся, яко мзда ваша многа на Небесех.

Если не Четыредесятница: Слава, и ныне:

В Великую же Четыредесятницу хор протяжно поет:

Помяни нас, Господи, егда приидеши, во Царствии Твоем.

Помяни нас, Владыко, егда приидеши, во Царствии Твоем.

Помяни нас, Святый, егда приидеши, во Царствии Твоем.

В конце каждого стиха совершается земной поклон.

Если нет литургии возглашается прокимен и читаем Апостол и Евангелие.

Далее чтец: Лик Небесный поет Тя и глаголет: Свят, Свят, Свят Господь Саваоф, исполнь Небо и земля славы Твоея.

Стих: Приступите к Нему и просветитеся, и лица ваша не постыдятся.

Лик Небесный поет Тя и глаголет: Свят, Свят, Свят Господь Саваоф, исполнь Небо и земля славы Твоея.

Слава: Лик святых Ангел и Архангел со всеми Небесными силами поет Тя и глаголет: Свят, Свят, Свят Господь Саваоф, исполнь Небо и земля славы Твоея.

И ныне:

Если нет литургии:

Верую во единаго Бога Отца Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век. Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася. Распятаго же за ны при Понтийстем Пилате, и страдавша, и погребенна. И воскресшаго в третий день по Писанием. И возшедшаго на Небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки. Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.

Ослаби, остави, прости, Боже, прегрешения наша, вольная и невольная, яже в слове и в деле, яже в ведении и не в ведении, яже во дни и в нощи, яже во уме и в помышлении, вся нам прости, яко Благ и Человеколюбец.

Отче наш, Иже еси на Небесех, да святится имя Твое, да приидет Царствие Твое, да будет воля Твоя, яко на Небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Иерей: Яко Твое есть Царство:

Чтец: Аминь.

Затем в праздничные дни читается кондак праздника; если также празднуется и память святого, то сначала читается кондак ему, затем – Слава, и ныне: праздника. В дни непраздничные и в посты, когда поется «Аллилуия», сначала читается кондак Преображения или храма (если храм Господский), затем дня седмицы, святого храма, святого дневного, и далее:

Слава: Со святыми упокой, Христе:

И ныне: Предстательство христиан: или храма Богородицы.

Кондак Преображения, глас 7:

На горе преобразился еси, и якоже вмещаху ученицы Твои, славу Твою, Христе Боже, видеша, да егда Тя узрят распинаема, страдание убо уразумеют вольное, мiрови же проповедят, яко Ты еси воистинну Отчее сияние.

Во все дни, кроме субботы:

Слава, глас 8: Со святыми упокой Христе, души раб Твоих, идеже несть болезнь, ни печаль, ни воздыхание, но жизнь безконечная.

И ныне, глас 6: Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.

В субботу же:

Слава, глас 8: Со святыми упокой Христе, души раб Твоих, идеже несть болезнь, ни печаль, ни воздыхание, но жизнь безконечная.

И ныне, мученичен, глас 8:

Яко начатки естества, Насадителю твари, вселенная приносит Ти, Господи, богоносныя мученики, тех молитвами в мире глубоце Церковь Твою, жительство Твое, Богородицею соблюди, Многомилостиве.

Если Великая Четыредесятница:

Господи, помилуй (40 раз). Слава, и ныне:

Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.

Именем Господним благослови, отче.

Иерей: Боже, ущедри ны и благослови ны, просвети лице Твое на ны и помилуй ны.

Чтец: Аминь.

И молитва св. Ефрема Сирина с 16 поклонами:

Господи и Владыко живота моего, дух праздности, уныния, любоначалия, и празднословия не даждь ми. (Земной поклон)

Дух же целомудрия, смиренномудрия, терпения, и любве, даруй ми рабу Твоему. (Земной поклон)

Ей, Господи Царю, даруй ми зрети моя прегрешения, и не осуждати брата моего, яко благословен еси во веки веков, аминь. (Земной поклон)

Также 12 поясных поклонов с молитвой: Боже, очисти мя грешнаго.

И снова всю молитву: Господи и Владыко живота моего: И один земной поклон.

Если нет литургии Преждеосвященных Даров, то начинаем вечерню: Приидите, поклонимся: (Трижды)

И 103-й псалом: Благослови душе моя Господа:

Если совершаем литургию Преждеосвященных Даров, то после поклонов:

Трисвятое. Пресвятая Троице: Отче наш:

Иерей: Яко Твое есть Царство:

Чтец: Аминь. Господи, помилуй. (12 раз)

И молитву: Всесвятая Троице: (смотри ниже).

Иерей: Премудрость.

Лик: Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего.

Иерей: Пресвятая Богородице, спаси нас.

Лик: Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем (великий поклон).

Иерей: Слава Тебе, Христе Боже, упование наше, слава Тебе.

Лик: Слава, и ныне: Господи, помилуй. (Трижды) Благослови.

И отпуст. (После отпуста начинаем Литургию)

Если нет Четыредесятницы, то после кондаков:

Господи, помилуй. (12 раз)

Молитва: Всесвятая Троице, Единосущная Державо, Нераздельное Царство, всех благих Вина: благоволи же и о мне, грешнем, утверди, вразуми сердце мое и всю мою отыми скверну. Просвети мою мысль, да выну славлю, пою, и покланяюся, и глаголю: Един Свят, Един Господь, Иисус Христос во славу Бога Отца, аминь.

Буди имя Господне благословено от ныне и до века. (Трижды)

Слава, и ныне:

Псалом 33

Благословлю Господа на всякое время, выну хвала Его во устех моих. О Господе похвалится душа моя, да услышат кротцыи и возвеселятся. Возвеличите Господа со мною и вознесем имя Его вкупе. Взысках Господа и услыша мя, и от всех скорбей моих избави мя. Приступите к Нему и просветитеся, и лица ваша не постыдятся. Сей нищий воззва, и Господь услыша и, и от всех скорбей eго спасе и. Ополчится Ангел Господень окрест боящихся Его, и избавит их. Вкусите и видите, яко благ Господь; блажен муж, иже уповает Нань. Бойтеся Господа, вси святии Его, яко несть лишения боящымся Его. Богатии обнищаша и взалкаша, взыскающии же Господа не лишатся всякаго блага. Приидите, чада, послушайте мене, страху Господню научу вас. Кто есть человек хотяй живот, любяй дни видети благи? Удержи язык твой от зла, и устне твои, еже не глаголати льсти. Уклонися от зла и сотвори благо. Взыщи мира, и пожени и. Очи Господни на праведныя, и уши Его в молитву их. Лице же Господне на творящыя злая, еже потребити от земли память их. Воззваша праведнии, и Господь услыша их, и от всех скорбей их избави их. Близ Господь сокрушенных сердцем, и смиренныя духом спасет. Многи скорби праведным, и от всех их избавит я Господь. Хранит Господь вся кости их, ни едина от них сокрушится. Смерть грешников люта, и ненавидящии праведнаго прегрешат. Избавит Господь душы раб Своих, и не прегрешат вси, уповающии на Него.

Иерей: Премудрость.

Лик: Достойно есть яко воистинну блажити Тя, Богородицу, / Присноблаженную и Пренепорочную и Матерь Бога нашего.

Иерей: Пресвятая Богородице, спаси нас.

Лик: Честнейшую Херувим / и славнейшую без сравнения Серафим, / без истления Бога Слова рождшую, / сущую Богородицу, Тя величаем.

Иерей: Слава Тебе, Христе Боже, упование наше, слава Тебе.

Лик: Слава, и ныне: Господи, помилуй. (Трижды) Благослови.

Священник произносит отпуст, на котором поминает святых дня.

103

Псалом Давиду, о мирстем бытии. Не надписан у евреев.

В предыдущем псалме научив приступающих к вере людей возносить песнопения Богу, в настоящем излагает учение о Божие во всем промышлении, потому что простирает Бог промышление Свое не только на то, что на небе и в воздухе, но и на земные вещи, даже самые малозначительные, так что не презирает и самых ничтожных живых существ, но промышляет и о них.

Пс.103:1. Благослови душе` моя Господа.

Учит душу благословлять Бога за великое Его промышление, как в предыдущем псалме учил благословлять за избавление от грехов.

Господи Боже мой, возвеличился еси зело.

Взирая на промышление Твое, Владыко, с изумлением величаем «высоту» Твоего Промысла. А таким образом, как бы в некую ризу, облекаем в наше «исповедание и в велелепоту», т. е. хвалу и славословие.

Пс.103:2. Одеяйся светом яко ризою.

Начиная с мысленного света, слагает песнь Богу. Но как в другом месте сказано, что Бог живет «во свете… неприступнем» (1Тим. 6, 16), так здесь именуется облекающимся в сей самый свет.

Простираяй небо яко кожу.

Вторым делом Промысла полагается – это распростирать небо, подобно чему-либо протяженному в руках художника, а этим вместе объясняется и образ действия, и удобство, с каким совершает оное Зиждитель. Как не трудно человеку растянуть кожу, так легко и Богу создать не существовавшее прежде небо. Но Давид в тоже время наводит нас и на другую высокую мысль, а именно, что мы теперь на пути к иной жизни, что настоящее есть тень грядущего и мы не вступили еще во святилище, но пока, в настоящей жизни, пребываем в скинии; скиния же есть нечто разрушаемое, и притом вскоре. Так и по изменении неба будет иной образ жизни, и жребий лучший настоящего, потому что будут небо новое и земля новая. Но послушаем, что о небе говорят пророки, чтобы заградить уста высоко думающим о бороде, которые, говоря все, что ни приходит на ум, утверждают, будто бы и под землею есть небо. Им противостав, пророк сказал: «простираяй небо яко кожу». А кожа не есть какой-либо шар, как они суесловят. Напротив того, уподобил оное никоему полукружию и полушарию. Поэтому и другой пророк, тоже выражая, сказал: «поставивый небо яко камару, и простер е яко скинию обитати» (Ис. 40, 22). И еще о том, что небо не колеблется, но стоит твердо, пророк говорит так: «водрузивый… небо» (Ис. 42, 5). Изображая же крайнюю утонченность неба, сказал: «понеже небо яко дым утвердися» (Ис. 51, 6).

Пс.103:3. Покрываяй водами превыспренняя Своя.

Показывает, что не напрасно носятся в воздухе собрания вод, потому что Бог сам Промыслом Своим устраивает это, чтобы часть неба казалась покрытою стройными кучами облаков.

Полагаяй облаки на восхождение Свое.

Как бы еще яснее показывает, что Бог промышление Свое простирает на самые облака; ибо слово «восхождение» употребил вместо слова «промысл».

Ходяй на крилу ветреню.

Дает видеть, что и стремление ветров не случайно, но сам Бог, восходя на крыла их, Делается как бы их браздодержцем.

Пс.103:4. Творяй Ангелы Своя духи,

т. е. творит Ангелов легкими и выспренними.

И слуги́ Своя пламень огненный.

Так, Моисей видел глаголющего ему Ангела «в пламени огненне» (Исх. 3, 2).

Пс.103:5. Основаяй землю на тверди.

Показав Промысл Создателя о небе, переходит к Промыслу Его о том, что на земле, и именно к тому, что земля, будучи тверда и тяжела, сотворена в веществе влажном.

Пс.103:6. Бездна яко риза одеяние ея.

Разумеет самую земную стихию. Говорит же, что, как ризою, облек землю бездною, всю окружив отвне водами.

На горах станут воды,

т. е. воды бездны, поднявшись высоко, станут подобно горам, как бы угрожая потопить землю; но по Твоему мановению пред силою Твоею, которая означается словом: «гром» (Пс.103:7), они отступят. Или, может быть, разумеет, что и громы бывают для того, чтобы совершаемым в мире самые воды бездны приводимы были в некий страх. А если и с ними бывает это, то кольми паче подобное сему должны ощутить мы.

Пс.103:8. Восходят го́ры, и нисходят поля́.

Возвысившиеся воды уподобляются горам, а потом «опадшие» от страха Твоего делаются как бы полем и земною равниной. Ибо основал Ты им место, которого не могут переступить. Это-то и значит сказанное:

Пс.103:9. предел положил еси, егоже не пре́йдут.

Потому, не могут наводнить землю. Подобно сему и сказанное морю пророком: «до сего до́йдеши и не пре́йдеши, но в тебе сокрушатся волны твоя» (Иов. 38, 11).

Пс.103:10. Посреде́ гор про́йдут во́ды.

Псалмопевец славословить Божий Промысл, входить в подробности, дивится Божией благости, премудрости и непрестанной попечительности о бессловесных животных, потому что, создав их, Бог и кормит и поит. А для сего рассек горы и устроил в них проход водам.

Пс.103:11. Напаяют вся звери сельныя.

О бессловесных животных, о пресмыкающихся и зверях столько промышляет, что подает им необходимое для жизни.

Ждут онагри в жажду свою.

И то дело Твоего Промысла, что даны воды не только в долинах и местах зеленеющихся, для украшения берегов потока, но и среди гор, чтобы животные кроткие убегали от диких, и покоились на местах красивых.

Пс.103:13. Напаяяй го́ры от превыспренних Своих.

Ибо горы и поля напаяет не из источников, которые в долинах, и не из рек текущих по земле, но свыше подавая обильные дожди.

От плода дел Твоих насытится земля.

Как даровал обилие вод, так и пищу уготовал от земли.

Пс.103:14. Прозябаяй траву скотом и злак на службу человеком.

«Службою человекам» называет животных кротких, каковы – вол, осел и тому подобные.

Извести хлеб от земли.

Для того, говорит, позаботился Ты о скотах, чтобы, когда ими возделана будет земля, нашли мы себе необходимое для жизни. Ибо во всем этом благодетельствует Бог ради нас.

Пс.103:16. Насытятся древа́ польска́я.

Пророк показывает, что и в лесах растущие дерева, каковы кедры и другие, возрастают по мановению Божию. Растут же они, как для многих других целей, известных нам из опыта, так и для того, чтобы птицы на них имели гнезда.

Пс.103:17. Еродиево жилище предводительствует ими.

Пророк говорит, что гнездо еродия предводительствует самыми птицами, потому что еродии, выбрав самые высокие дерева, гнездятся всего чаще на елях, как на деревьях, которые выше всех других.

Пс.103:18. Го́ры высо́кия еленем.

И оленям дал прибежищем горы, где могли бы они укрыться от животных свирепых.

Камень прибежище заяцем.

Как дал горы на спасение оленям, так каменныя пещеры зайцам. А потому и они, спасаясь в них, как сказано выше,

Пс.103:12. от среды́ ка́мения дадя́т глас,

очевидно, восхваляя Спасающего.

Пс.103:19. Сотворил есть луну во времена.

Возвращается опять к Промыслу о небесном и говорит, что луна создана не для иного чего, как для счисления и различения месяцев и дней.

Солнце позна запад свой.

И оно повинуется Божию повелению.

Пс.103:20. Положил еси тму, и бысть нощь.

Говорит это, чтобы не подумали мы, будто бы иной Творец дня, а иной – ночи.

Пс.103:23. Изыдет человек на дело свое.

Звери днем препятствовали бы людям идти в путь и возделывать землю, а теперь выходят они ночью, «взыскати себе пищу от Бога» , потому что не для них земля прозябает траву или злак.

Пс.103:24. Яко возвеличишася дела Твоя, Господи.

Кончив речь о Промысле, обращается к песнословию Создавшего, как бы упокоевая тем слух. А потом снова переходит к другой части дел Промысла, низводя нас к влажной стихии, которой бы не было, если бы не управлял в мире Божий Промысл.

Вся премудростию сотворил еси.

Чудно же, что премудрость, которою все сотворил Ты, есть Господь, потому что Христос – Божия сила и Божия премудрость.

Пс.103:26. Змий сей, егоже создал еси ругатися ему.

К слову о море мимоходом присовокупил упоминание о змие, сказав, что произведен он не для другого чего, а для того единственно, чтобы «ругатися ему».

Пс.103:27. Вся к Тебе чают.

И люди, и стаи диких зверей, и скоты, и пресмыкающиеся не могли бы пропитаться, если бы Бог не снабжал их необходимым для жизни.

Пс.103:29. Оты́меши дух их, и исчезнут.

Показывает этим, что Бог – Владыка и смерти и жизни.

Пс.103:31. Возвеселится Господь о де́лех Своих.

Какое же дело Его? То, которое совершил, обновив нашу природу. Ибо пророк дает этим разуметь будущее боговедение людей, когда возвеселится Бог не о том, что поклоняются Ему, но о том, что узрит спасаемых.

Пс.103:32. Призираяй на землю, и творяй ю трястися.

Присовокупляет слово и о всеобщем суде, который внушить страх всем живущим на земле. Ибо нет человека, который бы не убоялся того страшного Божественного судилища.

Прикасаяйся горам, и дымятся.

Горами называет сопротивные силы, которые Бог попалит во время суда, знамением чего и служить дым.

Пс.103:34. Да услади́тся Ему беседа моя.

Сказано «беседа» вместо «выбор мой». Сказывает же, что им избрано, а именно – желание песнословить только Бога, – что и будет угодно самому Песнословимому.

Пс.103:35. Да исчезнут грешницы от земли,

И беззаконницы, якоже не быти им,

т. е. исчезнут они в сонме благословляющих Бога.

Благослови душе` моя Господа,

потому что Господь удалит их от жребия лукавых, и сподобит жребия святых.

Псалом 103: «Благослови, душе моя, Господа»

Благослови, душе моя, Господа. Господи Боже мой, возвеличился eси зело; во исповеданiе и в велелепоту облеклся eси; одеяйся светом яко ризою, простираяй небо яко кожу; покрываяй водами превыспрeнняя своя, полагаяй облаки на восхожденiе свое, ходяй на крилу ветрeню; творяй ангелы своя духи, и слуги своя пламень oгненный; основаяй землю на тверди eя; не преклонится в век века. Бездна яко риза одеянiе eя, на горах станут воды; от запрещенiя твоего побегнут, от гласа грома твоего убоятся. Восходят горы, и низходят поля, в место eже основал eси им. Предел положил eси, eгоже не прейдут, ниже обратятся покрыти землю. Посылаяй источники в дебрех, посреде гор пройдут воды. Напаяют вся звери сeлныя, ждут oнагри в жажду свою. На тых птицы небeсныя привитают; от среды каменiя дадят глас. Напаяяй горы от превыспренних своих; от плода дел твоих насытится земля. Прозябаяй траву скотом, и злак на службу человеком, извести хлеб от земли; и вiно веселит сердце человека, умастити лице eлеем; и хлеб сердце человека укрепит. Насытятся древа польская, кедри лiванстiи, ихже eси насадил; тамо птицы вогнездятся, eродiево жилище предводителствует ими. Горы высокiя eленeм, камень прибежище заяцeм. Сотворил eсть луну во времена; солнце позна запад свой. Положил eси тму, и бысть нощь, в нейже пройдут вси зверiе дубравнiи, скимни рыкающiи восхитити и взыскати от Бога пищу себе. Возсiя солнце, и собрашася, и в ложах своих лягут. Изыдет человек на дело свое и на деланiе свое до вечера. Яко возвеличишася дела твоя, Господи; вся премудростiю сотворил eси; исполнися земля твари твоея. Сiе море великое и пространное; тамо гади, ихже несть числа, животная малая с великими; тамо корабли преплавают, змiй сей, eгоже создал eси ругатися eму. Вся к тебе чают, дати пищу им во благо время. Давшу тебе им, соберут; отверзшу тебе руку, всячeская исполнятся благости; отвращшу же тебе лице, возмятутся; отимеши дух их, и изчезнут и в персть свою возвратятся; послеши дха твоего, и созиждутся, и обновиши лице земли. Буди слава Господня во веки; возвеселится Господь о делех своих; призираяй на землю и творяй ю трястися; прикасаяйся горам, и дымятся. Воспою Господеви в животе моем, пою Богу моему, дондеже eсмь; да усладится eму беседа моя, аз же возвеселюся о Господе. Да изчезнут грешницы от земли, и беззаконницы, якоже не быти им. Благослови, душе моя, Господа.

Перевод на русский язык:

Благослови, душа моя, Господа! Господи, Боже мой! Ты дивно велик, Ты облечен славою и величием; Ты одеваешься светом, как ризою, простираешь небеса, как шатер; устрояешь над водами горние чертоги Твои, делаешь облака Твоею колесницею, шествуешь на крыльях ветра. Ты творишь ангелами Твоими духов, служителями Твоими — огонь пылающий. Ты поставил землю на твердых основах: не поколеблется она во веки и веки. Бездною, как одеянием, покрыл Ты ее, на горах стоят воды. От прещения Твоего бегут они, от гласа грома Твоего быстро уходят; восходят на горы, нисходят в долины, на место, которое Ты назначил для них. Ты положил предел, которого не перейдут, и не возвратятся покрыть землю. Ты послал источники в долины: между горами текут воды, поят всех полевых зверей; дикие ослы утоляют жажду свою. При них обитают птицы небесные, из среды ветвей издают голос. Ты напояешь горы с высот Твоих, плодами дел Твоих насыщается земля. Ты произращаешь траву для скота, и зелень на пользу человека, чтобы произвести из земли пищу, и вино, которое веселит сердце человека, и елей, от которого блистает лице его, и хлеб, который укрепляет сердце человека. Насыщаются древа Господа, кедры Ливанские, которые Он насадил; на них гнездятся птицы: ели — жилище аисту, высокие горы — сернам; каменные утесы — убежище зайцам. Он сотворил луну для указания времен, солнце знает свой запад. Ты простираешь тьму и бывает ночь: во время нее бродят все лесные звери; львы рыкают о добыче и просят у Бога пищу себе. Восходит солнце, и они собираются и ложатся в свои логовища; выходит человек на дело свое и на работу свою до вечера. Как многочисленны дела Твои, Господи! Все соделал Ты премудро; земля полна произведений Твоих. Это — море великое и пространное: там пресмыкающиеся, которым нет числа, животные малые с большими; там плавают корабли, там этот левиафан, которого Ты сотворил играть в нем. Все они от Тебя ожидают, чтобы Ты дал им пищу их в свое время. Даешь им — принимают, отверзаешь руку Твою — насыщаются благом; скроешь лице Твое — мятутся, отнимешь дух их — умирают и в персть свою возвращаются; пошлешь дух Твой — созидаются, и Ты обновляешь лице земли. Да будет Господу слава во веки; да веселится Господь о делах Своих! Призирает на землю, и она трясется; прикасается к горам, и дымятся. Буду петь Господу во всю жизнь мою, буду петь Богу моему, доколе есмь. Да будет благоприятна Ему песнь моя; буду веселиться о Господе. Да исчезнут грешники с земли, и беззаконных да не будет более. Благослови, душа моя, Господа! Аллилуия!

Чин Вечерни

Глаголет священник: Благослове́н Бог наш всегда́, ны́не и при́сно, и во ве́ки веко́в.

И начинает предстоятель, или учиненный чтец: Ами́нь.

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

По стихословии ектения малая.

И абие, Го́споди, воззва́х, в прилучившийся глас. Псалмы 140, 141, 129, 116:

Го́споди, воззва́х к Тебе́, услы́ши мя. / Услы́ши мя, Го́споди.

Вторый лик: Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.

И по чину стихи: Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние. Паду́т во мре́жу свою́ гре́шницы: еди́н есмь аз, до́ндеже прейду́.

Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ним моле́ние мое́, печа́ль мою́ пред Ним возвещу́. Внегда́ исчеза́ти от мене́ ду́ху моему́: и Ты позна́л еси́ стези́ моя́: на пути́ сем, по нему́же хожда́х, скры́ша сеть мне. Смотря́х одесну́ю и возгля́дах, и не бе зна́яй мене́: поги́бе бе́гство от мене́, и несть взыска́яй ду́шу мою́. Воззва́х к Тебе́, Го́споди, рех: Ты еси́ упова́ние мое́, часть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя от гоня́щих мя, я́ко укрепи́шася па́че мене́.

На 10, стихиры: Изведи́ из темни́цы ду́шу мою́, испове́датися и́мени Твоему́.

Мене́ ждут пра́ведницы, до́ндеже возда́си мне.

На 8: Из глубины́ воззва́х к Тебе́, Го́споди, Го́споди, услы́ши глас мой.

Да бу́дут у́ши Твои́ вне́млюще гла́су моле́ния моего́.

На 6: А́ще беззако́ния на́зриши, Го́споди, Го́споди, кто постои́т? Я́ко у Тебе́ очище́ние есть.

И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, упова́ душа́ моя́ на Го́спода.

На 4: От стра́жи у́тренния до но́щи, от стра́жи у́тренния да упова́ет Изра́иль на Го́спода.

Я́ко у Го́спода ми́лость, и мно́гое у Него́ избавле́ние, и Той изба́вит Изра́иля от всех беззако́ний eго́.

На 2: Хвали́те Го́спода вси язы́цы, похвали́те Его́ вси лю́дие.

Я́ко утверди́ся ми́лость Его́ на нас, и и́стина Госпо́дня пребыва́ет во век.

Сла́ва: Святаго минеи.

И ны́не: Богородичен.

Аще несть святаго Сла́ва, и ны́не: Богородичен.

Творение Софрония, патриарха Иерусалимскаго:

Све́те ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мир Тя сла́вит.

В неделю же и в пяток вечера, никогдаже поется Аллилуиа. Аще же есть Бог Госпо́дь, поются прокимены сия:

В субботу вечера, глас 6:

Госпо́дь воцари́ся, / в ле́поту облече́ся.

Стих: Облече́ся Госпо́дь в си́лу и препоя́сася.

Стих: И́бо утверди́ вселе́нную, я́же не подви́жется.

Стих: До́му Твоему́ подоба́ет святы́ня Го́споди, в долготу́ дний.

В неделю вечера, глас 8:

Се ны́не благослови́те Го́спода / вси раби́ Госпо́дни.

Стих: Стоя́щии в хра́ме Госпо́дни, во дво́рех до́му Бо́га на́шего.

В понедельник вечера, глас 4:

Госпо́дь услы́шит мя, / внегда́ воззва́ти ми к Нему́.

Стих: Внегда́ призва́ти ми, услы́ша мя Бог пра́вды моея́.

Во вторник вечера, глас 1:

Ми́лость Твоя́, Го́споди, / пожене́т мя вся дни живота́ моего́.

Стих: Госпо́дь пасе́т мя, и ничто́же мя лиши́т, на ме́сте зла́чне, та́мо всели́ мя.

В среду вечера, глас 5:

Бо́же, во и́мя Твое́ спаси́ мя, / и в си́ле Твое́й суди́ ми.

Стих: Бо́же, услы́ши моли́тву мою́, внуши́ глаго́лы уст мои́х.

В четверток вечера, глас 6:

По́мощь моя́ от Го́спода, / сотво́ршаго не́бо и зе́млю.

Стих: Возведо́х о́чи мои́ в го́ры, отню́дуже прии́дет по́мощь моя́.

В пяток вечера, глас 7:

Бо́же, Засту́пник мой еси́ Ты, / и ми́лость Твоя́ предвари́т мя.

Стих: Изми́ мя от враг мои́х, Бо́же, и от востаю́щих на мя изба́ви мя.

Подобает ведати, яко аще прилучится Четыредесятница, или Аллилу́иа, вместо прокименов седмицы, поем сия.

В понедельник вечера: Аллилуиа, трижды, во глас 6.

Стих: Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́. Аллилу́иа.

Стих: И во ве́ки веко́в. Мы же высочайшим гласом: Аллилу́иа.

Во вторник и в четверток вечера: Аллилуиа.

Стих: Возноси́те Го́спода Бо́га на́шего, и покланя́йтеся подно́жию но́гу Его́, я́ко свя́то есть. Аллилу́иа.

Стих: И во ве́ки веко́в. Аллилу́иа.

В среду вечера: Аллилуиа.

Стих: Во всю зе́млю изы́де веща́ние их, и в концы́ вселе́нныя глаго́лы их. Аллилу́иа.

Стих: И во ве́ки веко́в. Аллилу́иа.

На велицей вечерне, аще есть паримии, и глаголет диакон: Рцем вси от всея́ души́: И по возгласе лик: Ами́нь.

Таже лик: Сподо́би, Го́споди, в ве́чер сей без греха́ сохрани́тися нам. / Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки, ами́нь. /

Бу́ди, Го́споди, ми́лость Твоя́ на нас, я́коже упова́хом на Тя. / Благослове́н еси́, Го́споди, научи́ мя оправда́нием Твои́м. / Благослове́н еси́, Влады́ко, вразуми́ мя оправда́нием Твои́м. / Благослове́н еси́, Святы́й, просвети́ мя оправда́нии Твои́ми. /

Го́споди, ми́лость Твоя́ во век, дел руку́ Твое́ю не пре́зри. / Тебе́ подоба́ет хвала́. Тебе́ подоба́ет пе́ние, / Тебе́ сла́ва подоба́ет, Отцу́ и Сы́ну и Свято́му Ду́ху, / ны́не и при́сно и во ве́ки веко́в. Ами́нь.

Священник: Испо́лним вече́рнюю моли́тву на́шу:

И по возгласе лик: Ами́нь.

Священник: Ми́р всем.

Лик: И ду́хови твоему́.

Диакон: Главы́ на́ша Го́сподеви прикло́ним.

Лик: Тебе́, Го́споди.

Молитва главоприклонения. Аще есть бдение исходим в притвор, поюще стихиру храма или праздника, совершающе литию. Священник же и диакон с кадильницею исходят вкупе северною страною, предыдут же им со двема лампадома. Сла́ва, святаго. И ны́не, Богородичен. И прочая.

Таже стихиры стиховны. Аще несть праздника в нихже глаголем настоящия стихи:

Стих 1: К Тебе́ возведо́х о́чи мои́, живу́щему на небеси́. Се я́ко о́чи раб в руку́ госпо́дий свои́х, я́ко о́чи рабы́ни в руку́ госпожи́ своея́, та́ко о́чи на́ши ко Го́споду Бо́гу на́шему, до́ндеже уще́дрит ны.

Стих 2: Поми́луй нас Го́споди, поми́луй нас, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих, и уничиже́ния го́рдых.

Сла́ва, и ны́не, Богородичен.

Молитва святаго Симеона Богоприимца:

Ны́не отпуща́еши раба́ Твоего́, Влады́ко, / по глаго́лу Твоему́ с ми́ром: / я́ко ви́деста о́чи мои́ спасе́ние Твое́, / е́же еси́ угото́вал пред лице́м всех люде́й, / свет во открове́ние язы́ков, / и сла́ву люде́й Твои́х Изра́иля.

Трисвятое. По О́тче наш: Священник: Я́ко Твое́ есть Ца́рство: И мы: Ами́нь.

Тропарь прилучившагося праздника, или́ святаго, или дне. Сла́ва, и ны́не, Богородичен и отпуст.

Аще же есть Бог Госпо́дь, по Трисвятом отпустительный тропарь дне, и посем священник: Прему́дрость. Лик же: Благослови́. Иерей: Сый благослове́н Христо́с, Бог наш, всегда́, ны́не и при́сно, и во ве́ки веко́в. Лик: Ами́нь. Утверди́, Бо́же, / святу́ю правосла́вную ве́ру правосла́вных христиа́н / во век ве́ка. Иерей: Пресвята́я Богоро́дице, спаси́ нас. Лик: Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем. Иерей: Сла́ва Тебе́, Христе́ Бо́же, упова́ние на́ше, сла́ва Тебе́. Лик: Сла́ва, и ны́не, Го́споди, поми́луй, трижды. Благослови́.

И бывает отпуст от священника:

Христо́с, и́стинный Бог наш, моли́твами Пречи́стыя Своея́ Ма́тере, святы́х сла́вных и всехва́льных Апо́стол, (и святаго, егоже есть храм, и святаго, егоже есть день), святы́х и пра́ведных богооте́ц Иоаки́ма и А́нны, и всех святы́х, поми́лует и спасе́т нас, я́ко Благ и Человеколю́бец.

Лик (многолетие): Вели́каго господи́на и отца́ на́шего / Святе́йшаго Патриа́рха Моско́вскаго и всея́ Руси́, / и господи́на на́шего преосвяще́ннейшаго , / митрополи́та (или архиепи́скопа, или епи́скопа егоже есть область), / Богохрани́мую страну́ на́шу Росси́йскую, / настоя́теля, бра́тию, прихо́жан свята́го хра́ма сего́, / и вся правосла́вныя христиа́ны, / Го́споди, сохрани́ их на мно́гая ле́та.

Аще же есть Четыредесятница или ин пост, и Аллилу́иа пето, глаголи тропари сия, во глас 4:

Богоро́дице Де́во, ра́дуйся, / Благода́тная Мари́е, Госпо́дь с Тобо́ю: / Благослове́на Ты в жена́х, и Благослове́н Плод чре́ва Твоего́, / я́ко Спа́са родила́ еси́ душ на́ших. Поклон един.

Сла́ва: Крести́телю Христо́в, всех нас помяни́, / да изба́вимся от беззако́ний на́ших: / тебе бо даде́ся благода́ть моли́тися за ны. Поклон един.

И ны́не: Моли́те за ны святи́и Апо́столи, святи́и вси, / да изба́вимся от бед и скорбе́й: / вас бо те́плыя предста́тели ко Спа́су стяжа́хом. Поклон един.

Под Твое́ благоутро́бие прибега́ем, Богоро́дице, / моле́ния на́ша не пре́зри во обстоя́нии, / но от бед изба́ви ны, Еди́на Чи́стая, Еди́на Благослове́нная. Без поклона.

Го́споди, поми́луй, 40. Сла́ва, и ны́не:

Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.

И́менем Госпо́дним благослови́, о́тче.

Священник: Сый благослове́н Христо́с Бог наш, всегда́, ны́не и при́сно, и во ве́ки веко́в.

И мы: Ами́нь.

Ведомо буди, яко у греков сию молитву предстоятель глаголет:

Небе́сный Царю́, ве́ру утверди́, язы́ки укроти́, мир умири́, святы́й храм сей до́бре сохрани́: пре́жде отше́дшыя отцы́ и бра́тию на́шу в селе́ниих пра́ведных учини́, и нас в покая́нии и испове́дании приими́, я́ко Благи́й и Человеколю́бец.

Посем поклоны великия три, глаголюще в них на коемждо поклоне молитву преподобнаго Ефрема:

Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. Поклон великий.

Дух же целому́дрия, смиренному́дрия, терпе́ния, и любве́, да́руй ми рабу́ Твоему́. Поклон великий.

Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. Поклон великий.

Таже малых поклонов 12, глаголюще себе втай на кийждо поклон: Бо́же, очи́сти мя, гре́шнаго.

И паки, скончав поклоны, глаголем молитву всю вышеписанную: Го́споди и Влады́ко живота́ моего́: И поклон един великий.

Таже, Трисвятое. По О́тче наш: Священник: Я́ко Твое́ есть Ца́рство: И мы: Ами́нь. Го́споди поми́луй, 12

Таже молитву:

Всесвята́я Тро́ице, Единосу́щная Держа́во, Неразде́льное Ца́рство, всех благи́х Вина́: благоволи́ же и о мне, гре́шнем, утверди́, вразуми́ се́рдце мое́ и всю мою́ отыми́ скве́рну. Просвети́ мою́ мысль, да вы́ну сла́влю, пою́, и покланя́юся, и глаго́лю: Еди́н Свят, Еди́н Госпо́дь, Иису́с Христо́с во сла́ву Бо́га Отца́, ами́нь.

Посем: Бу́ди И́мя Госпо́дне благослове́но от ны́не и до ве́ка. Трижды. И поклоны три.

Сла́ва, и ны́не:

Таже псалом 33:

Благословлю́ Го́спода на вся́кое вре́мя, вы́ну хвала́ Его́ во усте́х мои́х. О Го́споде похва́лится душа́ моя́, да услы́шат кро́тцыи и возвеселя́тся. Возвели́чите Го́спода со мно́ю и вознесе́м и́мя Его́ вку́пе. Взыска́х Го́спода и услы́ша мя, и от всех скорбе́й мои́х изба́ви мя. Приступи́те к Нему́ и просвети́теся, и ли́ца ва́ша не постыдя́тся. Сей ни́щий воззва́, и Госпо́дь услы́ша и́, и от всех скорбе́й eго́ спасе́ и́. Ополчи́тся А́нгел Госпо́день о́крест боя́щихся Его́, и изба́вит их. Вкуси́те и ви́дите, я́ко благ Госпо́дь; блаже́н муж, и́же упова́ет Нань. Бо́йтеся Го́спода, вси святи́и Его́, я́ко несть лише́ния боя́щымся Его́. Бога́тии обнища́ша и взалка́ша, взыска́ющии же Го́спода не лиша́тся вся́каго бла́га. Прииди́те, ча́да, послу́шайте мене́, стра́ху Госпо́дню научу́ вас. Кто́ есть челове́к хотя́й живо́т, любя́й дни ви́дети бла́ги? Удержи́ язы́к твой от зла, и устне́ твои́, е́же не глаго́лати льсти. Уклони́ся от зла и сотвори́ бла́го. Взыщи́ ми́ра, и пожени́ и́. О́чи Госпо́дни на пра́ведныя, и у́ши Его́ в моли́тву их. Лице́ же Госпо́дне на творя́щыя зла́я, е́же потреби́ти от земли́ па́мять их. Воззва́ша пра́веднии, и Госпо́дь услы́ша их, и от всех скорбе́й их изба́ви их. Близ Госпо́дь сокруше́нных се́рдцем, и смире́нныя ду́хом спасе́т. Мно́ги ско́рби пра́ведным, и от всех их изба́вит я́ Госпо́дь. Храни́т Госпо́дь вся ко́сти их, ни еди́на от них сокруши́тся. Смерть гре́шников люта́, и ненави́дящии пра́веднаго прегре́шат. Изба́вит Госпо́дь ду́шы раб Свои́х, и не прегреша́т вси, упова́ющии на Него́.

И псалом 144:

Вознесу́ Тя, Бо́же мой, Царю́ мой, и благословлю́ и́мя Твое́ в век и в век ве́ка. На всяк день благословлю́ Тя и восхвалю́ и́мя Твое́ в век и в век ве́ка. Ве́лий Госпо́дь и хва́лен зело́, и вели́чию Его́ несть конца́. Род и род восхва́лят дела́ Твоя́ и си́лу Твою́ возвестя́т. Великоле́пие сла́вы святы́ни Твоея́ возглаго́лют и чудеса́ Твоя́ пове́дят. И си́лу стра́шных Твои́х реку́т и вели́чие Твое́ пове́дят. Па́мять мно́жества бла́гости Твоея́ отры́гнут и пра́вдою Твое́ю возра́дуются. Щедр и Ми́лостив Госпо́дь, Долготерпели́в и Многоми́лостив. Благ Госпо́дь вся́ческим, и щедро́ты Его́ на всех де́лех Его́. Да испове́дятся Тебе́, Го́споди, вся дела́ Твоя́, и преподо́бнии Твои́ да благословя́т Тя. Сла́ву Ца́рствия Твоего́ реку́т, и си́лу Твою́ возглаго́лют, сказа́ти сыново́м челове́ческим си́лу Твою́, и сла́ву великоле́пия Ца́рствия Твоего́. Ца́рство Твое́, Ца́рство всех веко́в, и влады́чество Твое́ во вся́ком ро́де и ро́де. Ве́рен Госпо́дь во всех словесе́х Свои́х и Преподо́бен во всех де́лех Свои́х. Утвержда́ет Госпо́дь вся низпа́дающыя и возставля́ет вся низве́рженныя. О́чи всех на Тя упова́ют, и Ты дае́ши им пи́щу во благовре́мении. Отверза́еши Ты ру́ку Твою́ и исполня́еши вся́кое живо́тно благоволе́ния. Пра́веден Госпо́дь во всех путе́х Свои́х и Преподо́бен во всех де́лех Свои́х. Близ Госпо́дь всем призыва́ющым Его́, всем призыва́ющым Его́ во и́стине. Во́лю боя́щихся Его́ сотвори́т и моли́тву их услы́шит и спасе́т я́. Храни́т Госпо́дь вся лю́бящыя Его́ и вся гре́шники потреби́т. Хвалу́ Госпо́дню возглаго́лют уста́ моя́, и да благослови́т вся́ка плоть и́мя свято́е Его́ в век и в век ве́ка.

И посем священник: Прему́дрость. Лик: Досто́йно есть я́ко вои́стинну блажи́ти Тя, Богоро́дицу, / Присноблаже́нную и Пренепоро́чную и Ма́терь Бо́га на́шего. Иерей: Пресвята́я Богоро́дице, спаси́ нас. Лик: Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу Тя велича́ем. Иерей: Сла́ва Тебе́, Христе́ Бо́же, упова́ние на́ше, сла́ва Тебе́. Лик: Сла́ва, и ны́не, Го́споди, поми́луй, трижды. Благослови́.

И бывает конечный отпуст. Сия же бывают, егда есть Великий пост.

Аще же хощеши, по конце вечерни глаголи молитву сию Великаго Василия:

Благослове́н еси́ Влады́ко Вседержи́телю, просвети́вый день све́том со́лнечным, и нощь уясни́вый заря́ми о́гненными, е́же долготу́ дне прейти́ нам сподо́бил еси́, и прибли́житися нача́лом но́щи: услы́ши моле́ние на́ше, и всех люде́й Твои́х, и всех нас прости́ во́льная и нево́льная согреше́ния. Приими́ вече́рняя на́ша моле́ния, и низпосли́ мно́жество ми́лости Твоя́, и щедро́т Твои́х на достоя́ние Твое́. Остени́ нас святы́ми Твои́ми А́нгелы, вооружи́ нас ору́жием пра́вды, огради́ нас и́стиною Твое́ю, соблюди́ нас си́лою Твое́ю, изба́ви нас от вся́каго обстоя́ния, вся́каго наве́та сопроти́внаго. Пода́ждь же нам и настоя́щий ве́чер, с приходя́щею но́щию соверше́н, свят, ми́рен, безгре́шен, безбла́знен, безмечта́нен, и вся дни живота́ на́шего, моли́твами святы́я Богоро́дицы, и всех святы́х от ве́ка благоугоди́вших, ами́нь.

Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем. И бывает отпуст.